تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
شواهق نجد 
@shawahg آنا شواهق والعرب تعرفني بنت قحطان اكرم بها من لابه
ياحزن قلبي ليه تمشي وتختال !؟
للهم في صدري مضارب ومنزال
رحابتي كبر الفضا (خانقتني)
ياحزن قلبي ليه تمشي وتختال!؟
على جروحٍ في الحشى متعبتني
مايكفي اللي زلزل القلب زلزال
ومايكفي دموع العنا مغرقتني!؟
تركي بوسم لاهبه يشعل اشعال
وتزيد حملٍ مِنْهكٍ منك متني
تطفي بيدك بارقٍ شع بامآل
هذي طعون الياس كيف اوجعتني
والبارق اللي هل بالجود همال
جفت شفاتي قبل ما يرتشفني
والزفره اللي ضايقت منهك الحال
اجاذب الونه وهي جاوبتني
قدام عيني شامخ القصر ينهال
واحلام عمري كيف ما حققتني
العمر يرحل واقرب الناس ختال
وشمس الصبا تغرب ولا وادعتني
يارب عفوك كل ماهاجسي جال
وثورات فكري بالتعب شتتني
كما انتي دوما شاهقه وابياتك تعانق سحاب الابداع
دمتي بكل خير /
أبعد الله عن قلبك كل حزن .. وأنار روحك بالفرحة والسعادة ..
شاعرتنا شواهق نجد
شاهقة قصيدتك حد السحاب ..
ما أقسى الوجع في ألم أحرفك .. وأحرف الألم والهموم ترسم لوحاتك ..
لله در قلمك ما أجمله ..
صح لسانك ..
ربي يحفظك ويخليك ..
أشكرك جزيل الشكر ..
أمنياتي