ياحزن قلبي ليه تمشي وتختال !؟
بواسطة : شواهق نجد
بتاريخ : 2013-03-13 20:46:53
للهم في صدري مضارب ومنزال
رحابتي كبر الفضا (خانقتني)
ياحزن قلبي ليه تمشي وتختال!؟
على جروحٍ في الحشى متعبتني
مايكفي اللي زلزل القلب زلزال
ومايكفي دموع العنا مغرقتني!؟
تركي بوسم لاهبه يشعل اشعال
وتزيد حملٍ مِنْهكٍ منك متني
تطفي بيدك بارقٍ شع بامآل
هذي طعون الياس كيف اوجعتني
والبارق اللي هل بالجود همال
جفت شفاتي قبل ما يرتشفني
والزفره اللي ضايقت منهك الحال
اجاذب الونه وهي جاوبتني
قدام عيني شامخ القصر ينهال
واحلام عمري كيف ما حققتني
العمر يرحل واقرب الناس ختال
وشمس الصبا تغرب ولا وادعتني
يارب عفوك كل ماهاجسي جال
وثورات فكري بالتعب شتتني
الديوان ياحزن قلبي ليه تمشي وتختال !؟
al-d1.com