كيفان..! أسرار وحكايا
بواسطة : حمـود العجمي
بتاريخ : 2013-09-22 22:46:11
مقدمتي جدا بسيطه ..
بسم الله الرحمن الرحيم
قصه من وحي الخيال وعدد الشخصيات قليل ,
كيفان .. أسرار وحكايا ..!
الفصل الاول .
بداية البداية ..
وبقى السؤال اللي أبي له : اجابه
ليش المحبه بـ ( البدايات ) أجمل !
خالد الجاسر *
يوما ما .. صباح جميل من صباحات بداية الدراسه بكيفان
كان بندر معتزل عن كثره الاصدقا والناس قبل الجامعه
يمكنه كان محتاج حياه جديده لان اعز اصدقائه . لاول مره
من فتره طويله .. يتخلون عنه نوعا ما و يسافرون للدراسه
كان محتاج طريقه جديده للحياه وللناس ولكل شي
خصوصا الانتقال من الثانويه للجامعه
شغلات واجد تتغير فيها حياة الانسان .
.
اول الايام كانت معارفه ما تتعدا ناس تنعد على الاصابع
يمكن بسبب شخصيته المضحكه والاجتماعيه جدا .
لقى نفسه بدون شعور تعرف على ناس واجد
وهذا غلط ثاني هني .. اكتف بمعرفه عدد قليل من الناس بحياتك
تعيش بخير .. تتعرف ع عدد اكبر له جانب ايجابي
واحد وهو .. الواسطات
من اول الناس اللي تعرف عليهم , وصاروا قريبين منه حيل بعيد ,
راشد وسعد و خالد .
الكورس الاول عدت الايام اول شهر
والثاني .. كان بطلنا بندر مر بتجربه شبه حب قبل الجامعه
وكان من عاداته الدايمه واطباعه ما يجذب البنات له
خصوصا انه يصدّ عنهم .
وهالشي احيانا يثير الجنس الاخر .. الغموض بالاصح
مخرج
ولدت متغرب ويمكن اودع غريب
وعلى كثر ما عرفت احس مالي اصحاب
ياسر التويجري *
الفصل الثاني
بداية الاكشن بقصة بطلنا بندر
جابك الله لي هديه من السما
جيت مثل الشوف لعيون العما !
مطيع العوني *
يوم من الايام قبل ينام بندر
مسج على الواتس اب ..
بندر ؟
اي نعم منو معاي ؟
انا بنت ..
والنعم !!
طيب امريني ي بنت ..
انت بندر اكيد
اي بندر الفلاني ..
بعد سكوت ثواني ..
امبيه ما كنت ادري انك من العايله الفلانيه
انززين شتبين ؟ بتقولين منو ولا شلون
لا لا مستحيل اخليك تعرفني ..
فجاه نام بندر
ثاني يوم الصبح قام وقال كلمه وحده .. بلوك
جاه مسج الساعه 9 الا عشر
وهو الوقت اللي كان متعود بطلنا بندر يروح يجيب
كتبه من اللوكر
انا الحين داشه من بوابه 4 وكفر تلفوني وردي
بس امانه حلفتك بشرف اهلك .. لحد يدري انك تعرفني !!
بندر لا اراديا التفت وشاف بنت جايه من بعيد وكفر تلفونها وردي!!
من الربكه قط التلفون باللوكر والكتب !
وهو رايح للكلاس حاول انه ما يلتفت ..
لكن الفضول اكبر هاللحظه ..
وطاحت عينه بعينها .. لاول مره
طبعا شهرين قبلها كانت تطيح عينه بعينها بس هالمره غير ..
كان مركز هو لاول مره !
وليته ما شاف ...
مو معقول البنت الوحيده اللي شدته بالكليه من شهرين .!
طلعت عينها عليه بين كل هالناس !!
مخرج
حنى اذكر ان الجمال ان قلت لك يا جميل
من قو صدقي يخاف انك تكون الجمال !
خالد خزيم *
الفصل الثالث
بداية الـ .... بلاش نسمي الحب حب
لان الحب ماله تعريف ثابت !
رجع للوكر بعد الكلاس
اللي على غير عادته كان ساكت فيه ..
حتى الدكتوره وربعه استغربوا يومها من بندر ..
رجع وكان لمده ساعه بس يفكررر ب نوره
شنو ليشش من متى شحقه
معقول ؟ اكيد تجذب
شربت زمزم حسنها حتّى سكرت من الجمال
مثل اللذي ما شاف خير او شاف بس استكثره !
نايف الرويلي *
رجع ولقى مسج جديد
sms طبعا
اسفه صديقي شكلي ضايقتك !
تجاهل المسج حاول انه ما يفكر بالموضوع و
بنفس الوقت يذكر نفسه بصدته عن البنات
السكوير ..
مكان طلبة العلم .. اللي صار
ساحة العشق والاوهام والعابرين
اللي رموا حزن واتعاس !
وبوقت كان لاهي وعلى شفى ابتسامه
بسبب نهاية موضوع رفيجه اللي كانت تضحك سالفته
مرت نوره وقعدت بمكان قريب منه نوعا ما ..
لقى نفسه لا اراديا يبتسمم !!
ابتسامه قد ما فرحت فيها نوره
قد ما تضايق فيها من نفسه
لا لا ليش ابتسممت !
كان بداخله الف تعبير وتعبير !
كـ العاده كل مشاعره تطلع بـ ابتسامه !
وبسبب انه ما يحب يكون سبب بضيقه احد
وهذه طبيعه فيه ..
دش الواتس اب وكتب
شكو ما تضايقت ..
بثواني لقى رد .
انزين صباح الخير
هلا صباح النور : )
صباحي انت اليوم ..
وبنفس وقت كتابه هالجمله
كانت ابتسامه من قلب .. ترتسم على شفايف نوره !
ما رد بندر ..
خلص اول يوم حب جامعي على خير !
نوره ما كان ودها يخلص هاليوم بعكس بندر ..
مخرج :
كأنه حب ..
هذا اللي يجي بدون اسباب
وافتح له جروحي باب
انا اللي من متى
ناقص غلا واصحاب !
ملل شفني مثل موعد لقى
ابطى .. وصار غياب !
علي الضوي *
الفصل الرابع
ليه تسأل عن وجع خلف المحاني ؟
وانت مو قد السؤال اللي سألته !!
عبد العزيز فايز *
بعد ما بدا بندر يتقبل وجود نوره بحياته
بتقولون ليش تقبلها بحياته اساسا ؟
من عادة الرجل الاصيل انه ما يرد
طلب بنت جميله !!
بالاضافه انه كانت حياته فارغه قبلها
ونوعا ما ..عجبته فكره وجودها فيها .
ولو انه نوره كان طلبها ومغزاها صعب شوي .. قلبه .
شوي شوي
بدت تكون حياتها اسعد و اسعد وحياته أعقد !
وبيوم من ايام البدايات ..
طلبت منه نوره طلب استصعبه
وقالها عطيني ساعتين افكر ..
وقبل الساعه 1 بالليل
عطاها مطلبها .. نوره شرت بلاك بيري بس , عشان
تكلمه اكثر واسرع واحسن
كان طلبها بن كود بلاك بيري بندر ..
مر اول اسبوع بينهم بسرعه وبآخره ..
بندر امانه بسالك سوالين وابي تجاوبني بصراحه
آمري نوره
انا مضايقتك بشي ؟
اممممم .. لأ !
انزين .. بسالك واتمنى ماا اضايقك .. انت حبيت من قبل ؟
كنت نوعا ما بعلاقه وماهي حب .. وانتهت قبل معرفتي
فيج باسبوعين تقريبا !!
انزين اسفه .. بس سوال ثالث تففكر فيها ؟
لا والله .. ابد ابد !!
كان خاطره يقول وقتها احد عنده انتي
ويفكر بغيرج ؟, بس استحى واكتفى ب لا والله ابد ابد
فضول البنت قاتل جدا خصوصا بما يخص ماضي الرجل اللي يهمها ..
الحمد اللله الحمد الله .. وقامت صلت ركعتين وانشغلت شوي
وقالت بعدها بساعه جذي .. بندر , قاعد ؟
هلا نوره ..
اسفه حيل حيل ما استأذنت بس صليت ركعتين
وانشغلت مع حمني !
منو حمني !!
كان اول سؤال منه فعليا
عن شي بحياته نوره !
هههههههههه هذا روحي !
ردت
وكأن صاحبنا بندر غار شوي
بس مسك نفسه وقال اها
..
الله يخلي لج روحج !
جاوبت بسرعه
تدري منو حمني ؟
اخوي الصغير المعاق .. ما يحب يقعد الا معاي
وانا من بعد الله آآآه .. مالي شي يخليني
ابتسم من قلب غيرك انت وحمني !
رد اسرع .. الله يخلينا لج !
قالها وما كان مستوعب شكثر فرحت نوره برده !
بندر كان فاهم شوي بعلم النفس ويحبه
استغرب جدا من انها قالت انت .. وحمني !
ليش بدتني على اخوها الصغير !
مخرج :
احد ربي يحطك له حبيب وما يجيه غرور؟
انا ليه التفت للناس .. وعيونك جماهيري !!
مساعد الرشيدي *
الفصل الخامس ..
احبك كثر مافي هالحياه من الحياه اغراب
أحبك كثر مالي حق في شوفك ولا أشوفك !
محمد الشويب *
صارت نوره اللي حافظه كل شي عن بندر
ووضعه بالكليه ..
تداوم عشانه وعشان تشوفه وتبتسم ابتسامه من قلب كل يوم
ابتسامات كانت فاقدتها باخر سنتين قبل تعرفه
لان حزنها على وفاة ابوها كان طاغي على كل شي حلو بحياتها ..
كانت مدمنته ل درجة انها كانت تداوم اثنين واربعا
وهي ما عندها دوام ... بس عشان شوفته !
ليت كل الدوام اثنين واربعا !!
مشاري المسعد *
كان قاعد بالممر المعتاد يقعد فيه ويسولفون بالتلفون
وهو ما يدري صوّرته ..!
مر اليوم ورد كل واحد بيتهم
يعلم الله .. انك اجمل ما حصل , وانك اقرب لي من هواي
بعد ما سولفوا وسكتوا .. دزت له صورته
وعليها هالكلام اللي فوق
مع حرفه وحرفها ..!
انصدم مع ابتسامه شعورها غريب
اول مره شخص يصوره وهو
ما يدري واول مره يجيه تصميم !
عندج احد ؟
لا بس حمني
انزين بـ ..بس مستحي
قول شفيك
بدق عليج .. ممكن؟
ابتسمممممت بتسمع صوته لاول مره
لا اراديا جاوبت اكيييييييد
دق وتنحنح ..الو ..
هلا وغلااااااااااااااا
احم .. مشكووووره حيل ع التصميم
حبيته :$
العفووو ..
دقايق وسكروا لان حان موعد نومته !
نام وهو فرحته عاديه
اما نوره سهرت ساعتين زياده ..
من زود الفرحه !
الفرح الزايد والحزن الزايد ..اشيا ما تخلي الشخص ينام !!
مخرج :
خطوه خطوه اخذي الامر بركاده
كبريني .. واخذي احساسي مهمه !
علميني الحب طفلن في مهاده
ما عرف كل الوجيه وظنك امه !!
حمود العجمي *
الفصل السادس :
يا سيدي من يشبهك ؟
يا اخر شعوري واوله .
تصحى على منبهك ..
واصحى عليك من الوله !!
ل الشاعره لست مي *
ما غير صورته ..
ما غير التوبيك ..
ما دز برودكاست .يصبح علينا ..
شفيه ؟ تعبان . حادث لا سمح الله .
مليون سؤال كان فـ بال نوره ,
لان بطلنا يومها رايحه عليه نومه ابو الشباب ,
والبنت محترقه بمكانها عليه ..!
بعد 10 مكالمات لم يرد عليها
نصهم من امه و النص الثاني من نوره ..
قعد من النوم اخيرا ...
صبح عليها وهو رايح الجامعه
اعتذرت حيل انها ازعجته ...
وانها اتصلت اساسا ..
رد بكل بساطه : ما صار الا كل خير لا تفكرين !
شعور جدا جميل انك تدري ان في شخص يفقدك لو غبت لحظات .
بهالايام بدا الشتا .. وشتا كيفان غير ,
الفرق شاسع في صباحات الانسان
كلن على همه سرى .. ولميوله !
تعال ناظر روعة اجواء كيفان
اجمل دراسه في ملامح خجوله !
حمود العجمي *
بدت تمون حيل عليه نوره
لدرجه انهم حددوا مكان ووقت معين
تشوفه وتشبع من شووفته
وعلى كثر ما شافته .. ما كانت تشبع منه ابد ..
وهو يغض النظر كثير احيان ..
اولا ما يفتح قلبه باب تدخل منه نوره
ثانيا ما وده ينفتن فيها ,
بتقولون ليش للحين ما حبها ؟
الشي الطبيعي ,
الاعجاب لا تعدا 4 شهور .. يعتبر حب ,
وهو توه للحين معجب بس
كانت تكره احيانا اجاباته المختصره لبعض الاساله المهمه عندها ,
لكن هذا بندر .. وهذه طبايعه
لو فيه مكان يتسما شتا العشاق ؟
بيكون اكيد ..كيفان بالشتا , !
كانت حيييل فرحانه ذيك الايام
كانت تشوفه ابعد من السما ..
وصار اقرب لها من نفسها !
انا اذا قلت احبك ما علي من احد
لساني يقولها وعيوني تقولها !
جابر البطحي *
الفصل السابع :
قال تفزع لا نخيتك ؟ قلت مافيها كلام
راح جدي سبة الفزعه عسى الله يرحمه !
لـ مدري من ..
هادي و راشد كانوا معارف بالجامعه طبيعين
لكن خالد
كانت معرفته معى بندر بعد هوشه كلاميه
واجمل غلا .. بعد العداوه
ال 3 كانوا اخوان وسند له
ويوم عن يوم يزيد غلاهم
طبعا بالفتره هذه وبكل الفترات مافيه شخص
تسمح له غلاته انك تقول له عن امورك الشخصيه حيل
اساسا لا تقول لاحد اي شي ..
لو كنت فعلا شاري الطرف الاخر ,
هادي شخص طيب وحبوب لكنه يحب ينرفز
ولا يحب يبين غلاة احد ..الا بالمواقف تبين!
راشد ؟ شخص واضح انه يجامل كثير
بس لان ما يبيك تتعمق بحياته !
غامض جدا باموره الشخصيه
و واضح جدا باموره الدراسيه
طبعا هادي وراشد وبندر ..
كان لهم نفس الطموح ونفس
التخصص
نجي ل الثالث
خالد ..
اقربهم لقلب بندر ليش ؟ من الله !
خالد بعكس الثلاثه كان ماهو كويتي
وهالشي نوعا ما يعتبر عيب بنظر عين بعض اعضاء مجتمعنا
المتخلفين منه بس !
خالد ؟ شخص يسمع كثييير اكثر ما يتكلم
وهالشي جميل ...
ومن مفارقات القدر المضحكه ؟
ان قصته بالجانب الشخصي او العاطفي بالاصح
تشبه قصة بطلنا بندر كثيير !!!
ودّي اني كل لحظه اتصل بك
بس اقول انك على بالي واسكرّ !!
عبد العزيز السبيّل *
الفصل الثامن :
ما اشبههك بالفجر لانك اساسا فجر
تعيش منك الحياة وتموت فيك القلوب
كل ابتسامه بـ وجه أخيك فيها أجر
الا انت بسمتك تاخذ من وراها ذنوب !
محمد المغيرفي *
ثالث شهر حب ..
وعز شتا كيفان والبرد ..
ايام جدا جميله بين بندر ونوره
واخيرا بعد شهرين بـ بداية الثالث
بندر بدا يقول كلام حلو ..
وبدا يبادلها شوي شوي مشاعر الاعجاب و
تتكون غلاتها بقلبه ..من الاخر
صاحبنا حس على دمه اخيرا ..
شهرين واجد كـ فترة اختبار شخص
بس كان لازم يتاكد قبل ما يعرف
وين يقط قلبه !!
بندر بهالايام بالذات كان شعوره جدا جميل ..
اما نوره كانت بكبرها مو عارفه نفسها .
لمى تسوي اشياء ما عمرك سويتها عشان شخص ؟
اعرف انك تحب من قلب ..
نوره كان بندر شاغل كل بالها اما بندر
بدت نوره تاخذ قلبه شوي شوي
وبدا يحس ويعرف فعلا شعور الحب .
ما حبوا بعض كثر ما الطفله داخل نوره
والطفل داخل بندر عشقوا بعض
داخل كل شخص فينا طفل مهما حاول ينكره
او يتجاهله لازم يطلع يوم من الايام
سواء بموقف او تصرف او بالكلام .
قرّب عيد ميلاد نوره ...
كان خاطرها يكون يوم مميز بعكس اخر سنتين
لان مثل ما قلت لكم حزنها على وفاة ابوها
كان طاغي على كل شي جميل بحياتها قبل بندر
بندر ؟
لبيه ؟
عيد ميلادي يوم الاربعا هذا وبخاطري يومها
بصراحه أشوفكـ ..بس بروحنا !
بعد سكوووووووت ..
ابد حاضر تبشرين ..
شنو تبين هديتج ؟
شوفتك أكبر هديّه والله !
مر هالاسبوع وجا الثلاثاء
طبعا فاجأها بندر الساعه 12
انه اول المتصلين وبارك لها
وتغزل شوي .. وبعدها
غنّى لها . وكانت المره اول مره يغني فيها لشخص
غنوا لـ حبيبي وقدموا له التهاني ,
في عييييييد ميلاده عساها مية عام ,
افرح حبيبي واطلب اغلى الاماني
الليله ي عمري تناديك الاحلام ..
ودّعت عام .. وقابلك عام ثاني
تعال نقضي العمر في حبّ وهياام
انسى الهموم اليوم وأضحك عشاني
والله ابتسامه منك ؟ تسعدني اعوام !
طبعا عبد المجيد عبد الله كان مغنّيها المفضل
اول شخص يتصل ؟ ويبارك لها
وغنّى لها ..
نوره يومها ما نامت من قو الوناسه ..
مخرج :
الليله عيونك العنوان والمسرى
والقلب ما أستائذن لمشواره , اسواره !
سألته لـ وين رايح وقال : أنت ادرى
الحب يختارنا من قبل نختاره !!
حمد المشيعلي *
الفصل التاسع ..
حسدت دفترها وزميلاتها يوم
مرّت وجابتها الصدف . جامعيّه !
يا حظ دفترها بيدينها دوم
ياليت يعطيني يديها شويّه !
سلطان الثابتي *
نوره ما نامت .. وبندر فرّحها وقعد وياها
لحد ما نام من التعب ..
من صباح الله خير ثنينهم قاموا وصبّحوا على بعض
طبعا اليوم غييييرر والكشخه غير
يوم شوفة نوره لبندر
بروحهم بدون ازعاج وعيون الناس ..
وصار وقت شوفة ابطالنا لبعض
ربكه ..خوف ..حيره
ومشاعر كثير انتهت يوم قابلوا بعض
لمى تشوف الشخص اللي تحبه بعيد عن البشر
قلبك يتطمن .. ولا تطمن قلبك ما عليك من البشر
ولا عليك من احد .. هو يصير الدنيا
وكل الناس
طبعا بطلنا بندر جاب لها
هدايا بسيطه مجبور بحالته الماديّه
الهدايا ما تهم المهم احساسها !
سعد علوش !
سكووووووت ..
كان مشهدهم وهم يطالعون بعض وساكتين يقول
اترك عيوني ..تسولف على عيونك
سوالف عيوننا .. أصدق من سوالفنا !
عبدالله سمران *
طبعا ما يستمرون ثواني ,
وواحد فيهم يوخر عيونه
شي جميل الحيا بالبنت و
أجمل لا كان بالرجل ..
تذكرون لمّى قلت لكم
ان داخل كل شخص فينا طفل ؟
الطفل اللي داخل بندر بيّن اليوم
طلب منها تغمّض عيونها شويّ
طلع الهدايا
وكانت عباره عن دبدوب بنّي .. وسلسال عليه حرفها وحرفه
و ورده لونها ازرق ..
ليش ما جاب حمرا ؟
الحمرا تعبر عن الحب
بس الاحلى تجيب اللون
اللي تحبونه ثنينكم و
بلاش نصير نفس هالناس ..
ابتسمممممت وضحكت
على حلاوة الهدايا ..
قربت من عنده وباست راسه ..
اما هو اكتفى بـ انه يبوس ايديها .
وأنتهى أجمل يوم بحياتهم على خير ..
مخرج :
ايه , انتي احلا بنت مرّت بكيفان
حنى عصافير المكان ؟ اتحكي بك !
كلامك المعسول .. معزوفة الحان
أخذ من اطباعك حياك ومغيبك !
حمود العجمي *
الفصل العاشر :
قلبي لو انك تحطينه على عش طير
ماهوب وياك ..ميّت جوع ولا ضمى !
لكن تردين قلبي ؟ للاسف ما يصير
ما كنك الا تردين المطر للسما !!
مشاري الغنيم *
ومرّت شهور الحب ..حب
وحب وحب وحب ..
بس ما ورى كثره الحب ..الا الغياب
بـ مجتمع السوالف :)
عاشوا اجمل ست شهور
بحياتهم , وبدت المشاكل بعدها
بدت السوالف لمى نوره قالت
لاقرب صديقاتها مراحب
عن بندر وحبّهم وقربهم من بعض
ولمى بندر بدى يسولف ليوسف
يوسف ؟ منو ..
يوسف صديق قديم لبندر
من ايام المتوسط
ضيّعوه القوائم باول كورس له
وثاني كورس شهامة بطلنا بندر
سجّل له وضبطه بالتسجيل وغيره ..
يوسف لبندر ..
ياخي عرفني على بنت بالجامعه
, ما اقدر انا للامانه ما اعرف الا بنت وحده
وما اقدر اسولف عنها لاي احد حتى انت .
خلاص على راحتك
مرت ايام ثاني كورس
ومره من المرات وبندر توّه طالع من الكليه
وقفته بنت ..
فتح الدريشه قال بكل عنجهيّه
نعم خير آمري ؟
انت رفيجك يوسف الفلاني ؟
ايه نعم شتبين ..
ابي رقمه !!
رد بكل برود
ودامج ما استحيتي وجيتي طلبتي رقمه مني
ليش ما رحتي له وطلبتي رقمه منّه !!
لا تظلمني رفيجتي تبيه ..
اوكي بس بشرط ,,
ان يوسف ما يدري اني وصلت رقمه انا
,
بندر موقفه هنا كان عفوي
ما يبي يوسف يدري انه هو
اللي موصل رقمه للبنت اللي تحبه ,
عشان بس ما تحزّ بخاطره السالفه
مخرج :
علّم عيونك .. تشوف ان للمشاعر قيمه
لا تسولف من وراي .. وتبتسم قدامي !!
ناصر مناحي *
الفصل الحادي عشر :
جميع غلطاتي من الاحساس
واللي يعاتبني .. يعاتبني !
ماهو شرط اعجب جميع الناس
انا ما كل الناس تعجبني !!
ناصر مناحي *
امينه تعرفت على يوسف
وبطريقه ما قدرت تسيطر عليه بالكامل ..
بالاصح ما عنده شخصيّه عند كلمتها !
المهم نرجع لبندر ونوره
الاهمال يقتل اي حب مهما كانت قوته
وللاسف رغم قوّة حبهم
اهملوا بعض ويوم عن يوم بدا الحب يموت ..
العتاب , أبن الحب البار
الاهمال , ابن الحب العاق
واكبر غلط شنو قلنا بالبدايه ؟
انك تسولف عن الشخص اللي تحبه لـ أحد
حتى لو اقرب الناس ,,
بـ هالايام بندر ما درا
ان مراحب عرّفت نوره على أمينه ..
وصاروا كلهم قراب حيل لـ بعض ,,
حبيبة يوسف .. أمينه
بطريقه ما قدرت تجيب رقم بطلنا بندر
ألو ..
هلا .. منو معاي !
أنا امينه ,,
منو ؟ وآمري ..
انا حبيبة يوسف
شنو تبين منّي داقه عليّ
ابسألك عن يوسف .. انا حاسّه انه يخونني !
يعرف غيري ؟ يكلم غيري ؟!
آسف .. وعن اذنج بسكّر !!
بندر لا اخليك تندم , صدقني أخليك
تفارق نوره !
أعلى ما بخييلج أركبيه ..حبنا اكبر منج ومن أشكالج !
ثق بحبيبك ..بس مو ميّه بالميّه !!
عشان ما تندم : )
بندر اولا مستحيل يتكلم عن صديقه عند
بنت ما يعرفها ولا يعرف عنها شي
ثانيا من زود ماهو حبّ نوره ..
كان يحس بس لو طاحت عينه بعين بنت بالغلط
هذه خيانه , فما بالكم بمكالمه ؟
الحبّ هو الشيء الوحيد
اللذي تجري فيه ضد مصلحتك
دون ان تتذمّر او حتى تعلم !
جورج برناند شو *
الفصل الثاني عشر :
عادي وأذا صدّيت عنّي وخوّنت!
وأنكرت عشره .. يعلم الله فيها
تركتني واقفيت تطرد ورا بنت
خروف والخرفان ما أشره عليها !!
محمد الحيص *
اهمال لـ بعض ,
و
سوالف مراحب اللي كانت تغار
من حبّهم لـ بعض
امينه اللي كانت عكس اسمها .
أمينه وبمؤامره حقيره الى حد كبير
اقنعت يوسف انه يحلف
وياها لـ نوره
انهم شافوا بندر ماسك ايد بنت ..
وبدعم لـ القصه من مراحب
وزود المشاكل هالفتره
نوره اتخذت أسوء قرار بحياتها ..
انها لازم تفارق بندر !
مشهد الفراق ابسط ما يمكن وصفه
الوقت : خمس المغرب
المشهد :
يا مصعب الفرقا ويا شين الوقوف
يا أقدامي اللي كثر ما تمشي حفت !
الموقف أكبر من شعور وحروف
أصفي النيه وعجزت ما صفت !
الحزن في عيوني مبيّن ومعروف
خبّيت حزني في عيوني وغرقت !
قالت فمان الله , والجرح مخلوف
وتوني بقول اللي بقوله .. وأكتفت !!
أقفت وانا واقف أطالعها بخــوف
مهما بعّدت , عندي شعور بتلتفت !!
وتلفّتت .. وسوّيت نفسي ما أشوف
ومشت مشت مشت مشت لين أختفت !!
لـ المغرّد : ربطة عنق **
الفصل الثالث عشر :
يومن هاجرت والله ..
انفطر قلبي وصرت شاعر ..
وانتا بهذا .. ما شااعر
أشوفك وين ي مهاجر !!
حاتم العراقي *
ما تعرف قيمة الشي الا لا فقدته ..
بعد 3 أسابيع ..
نوره ..
الو ..
بندر : هلا
شلونك ؟؟
بخير دون أحّد !!
كانت داقّه تسلم ..
ويا كثر المكالمات اللي نيّتها عكس
ما نقول ..
3 ساعات .. حسّ انها ودّها يرجعون لـ بعض
عن اذنج مشغول .
على كثر ما كان يحبها .. المكابر كان اكبر هالوقت
مستحيل ترجع لشخص هو بنفسه عافكـ .
اي شخص يقرر بنفسه يبعد
لا تفكر ترجع له ابد
مهما حاول يردّك لحياته
عزّتك أهم ..
جفاف يا جوّ المسا فاقد أصحاب ,
وينك؟ يلــوم الشوق ياما فقدتـكـ !!
شفني .. على كثر المعارف والاحباب ,
في ذمّتك ي صاحبي ما وحشتكـ ؟!
حمود العجمي *
الفصل الرابع عشر :
مريت بيته يمكن الضيق ينزاح
ومن يوم شفته زدت ضيق وكآبه !
طرى عليّ مخاوي الليل ما باح
قصدي يزول الجرح زاد التهابه !
فواز الرويلي *
ثاني شهر فراق ..
حزن ..حزن .. حزن
فاقدها حيـل .. بس عزّة النفس اقوى
طبعا قرر انه ما يحب ابد ابد بعدها
ما يبي يجرب نار الفراق مع شخص ثاني ..
صدفه .. بعد ما تفارقنا تجمّعنا
تصدّ عيني .. وقلبي يلتفت فيها !!
شكرا .. على كل صدفه مالها معنى
اليا تذكرت عشرتنا وماضيها !!
حمود العجمي *
كانت عيونهم تسولف عن كثر الفقد
كل ما تصادفوا .. بس كان يعوّر قلبها بصدّته عنّها
بكل مره ..
البدايه كـ النهايه , صدف غير متوقعه
لـ مدري من *
مخرج
ملامح الحزن ما جتني على غفله
جتني من الليل .. من رحتي وانا ناطر !
بس ينكسر خاطرك لا شفتي الطفله ؟
وأنا عقب صدّتك .. ما أكسر الخاطر !!
فهد الحيدان *
الفصل الخامس عشر
يا عل منهو فرح فيها يطلّقها
حتى ترد ونعيش أحلام ورديّه !
والكلمه اللي بتحرجني وابنطقها
ما ينفع البدو حبّ بدون حريّه !!
بدر البتّال *
مسج ..
امسح رقمي
وحللني وسامحني
ملكتي قرّبت ..
وبعدها بشهر .. باعتقاده
كان اخر يوم فرح له بالدنيا ..
أخطر شي يضيق صدر الرجال
البنت اللي يحبها .. راحت لغيره !!
شسوا ؟ شقال ؟
ابتسم .. ابتسامة المحرووق من زود الهمّ
حلوه عذاريبك وحلوه مزاياك
حتى بيوم فراقنا كنت هادي !!
متعب التركي *
من بعدها عدّت سنه وسبع شهور
وقلب بطلنا بندر مسكّر
رغم محاولة اكثر من انثى
تفتحه بكافّة الطرق ..
بس ما نفع ويّاه اي شي ...
ولو رددت في نفسي .. تعدّيته حبيب الامس
عيون الفقد ما تكذب , عيون الفقد ثرثاره !!
لـ الشاعره جنون *
وفي كل ليلة حنييييين يرددّ
تبقى حكايتنا على مـر الازمان
شاعر حزين , وبنت جدا جميله !!
حمود العجمي
مخرج :
حبّ .. وورد
وكم طول ليال الفراق !!
ومحنا امتساوين ..
,
استوت عندي كل الاوراق
واليل ؟ صار ليلـــين
شـ بكتب ؟
شبقول ؟
وانا دونك دايم باحتراق
وش اللي بيوصف ,
مني عليك .. زعلتين !!
حمود العجمي **
يكفّي واكتفي باخر طلب من خافقي بدّاه
وكان البيت له معنى ؟ بيظهر باخر الصوره !
أوصّيكم قبل يتلو ملاك الموت .. ما يملاه
ترا قلبي ليا وقّف ..يعيش ليا حضن نوره !!
لـ شاعر رفض ذكر اسمه **
الفصل السادس عشر :
مرّت سنه وشهور وشويّة أيام
على غياب اللي حلاها .. شمالي ّ !
كم قلت في نفسي قبل عيني تنام ؟
يارب جبها عند ما أصحى .. قبالي !!
متعب التركي *
الحياة توقف على شخص ؟ طبعا لأ .
مستحييل ..
بعد سنتين من فراق
ومع مرور الوقت على اي شي حزين
ولو طالت المده
تظل بشر ولازم تكمل حياتك !!
جيتي وجبتي معاك الطهر والعفه
وداويتي فوادي .. وضحكّتي سنسنه !
سكرت قلبي عن الحبّ و عن اللهفه
وشلون بـ عيونك النجلا تفكّينه ؟!
حمود العجمي *
راجع من الايام .. من الاحلام
ومن الف سنّاره ..
مغروسه بقلبي ..
لقيت ليّ بشاره
من أغلى ما عطا ربّي
أثر العمر ساره ..
وموج البحر ساره
وكلّ المدى ساره
سافـــــــرت كل العمر
وراجع أحبّ ساره !
لـ البدر *
مخرج أخير ..
الله خذا حبّك ولكن عطاني
انسان نسّاني معى الوقت حبّك !!
تركي عواد *
والسلام عليكم ورحمة الله وبركاته *
اخوكم حمود العجمي
H_ALJ@
الديوان كيفان..! أسرار وحكايا
al-d1.com