(( زلزلت جوفي ))
بواسطة : سلطان عتيق بن طواله
بتاريخ : 2013-04-20 05:13:27
في غيابك صارت افراحي خيال
والجروح اتزيد عايش كالغريب
والعُمُر ضايع وحيرني سؤال
هوصحيح إني خسرت أغلا حبيب
ليه يا غالي رضيت الإنفصال
ليه تبعد وانت من قلبي قريب
مستحيل أرضى تجافيني محال
هو خيارك هالجفا وإلا نصيب
زلزلت جوفي براكينه وسال
كالحمم في داخلي نار ولهيب
هدني بعدك ترجيتك تعال
عن عيوني نور شمسك لا يغيب
كم وانا عاني ابي منك مجال
يلتئم جرحي وبيدينك يطيب
حتى طيفك صارلي صعب المنال
يا حسايف كيف ظني بك يخيب
وين صوتك وين حسنك والدلال
ليه أنادي لك ولا أسمع مجيب
طالبك بدّل غيابك بالوصال
وإسعف اللي تاه بالعتمه صويب
الديوان (( زلزلت جوفي ))
al-d1.com