هذا انت حب بعد جروح واطلال
هذا أنت حلم ماتحقق وصوله
هذا انت مثل اول على كل الأحوال
لغز بقلبي مبهمات حلوله
هذا انت في عيني على طول تختال
فيما تشوف العين عرضة وطوله
هذا أنت عشت بهاجسي يأس وآمال
شي أحسه داخلي كيف أقوله
ابكيك حزن ونوب اغنيك موال
تناقض فيه الآمال مخذوله
ابيك تبقى لي على مثل هاالحال
حلم وأنا تقصر يدي ما تطوله
مجنون ليلي ما وصلها ولا زال
حقق على قصة فراقة بطوله
نهايه تبقى على مر الأجيال
عاشت على كف الفراق محموله
عواد بن طواله