غرق وجه السلام المنتظر في موجة الزوار
على نهج السلف ضاقت عيون الكون بعيوني
خذ الطبع الجديد بشوفهم لين أتقن الأدوار
نجح وأنا عيون اللوم عيّت تنثني دوني
يبادلني بوجه الناس رمشه روعه الأسرار
يقول لسان حالي اعيوني اسمع صوت مضنوني
قريت ابعينه اسطور الغرام وقصة المشوار
يسولف لي عن أسرار الشمال وينشد الحوني
معي طوّل بنظراته وأنا أشوف العيون كثار
ما احد شافه وأحس اللّي بها الموقف يشوفوني
بودّي قلت له كلمه مثل سلامة الأسفار
ولكني تلعثمت وقويت الهرج بعيوني
عواد بن طواله