شفت الذهب ينباع في طارف السوق
وانا ذهب ماباعني من شراني
اصوغ له حرفي وهو داخل الموق
ويقرا حروفي كن عينه تراني
هوسارقً قلبي وله قلب مسروق
والوصل مابينه وبيني يعاني
اكتبه بشعاري الحزينه وبالشوق
يدري احبه لوقفلت المحاني
عن بوح كنه معتلي بي وانا فوق
فوق النوايف فوق كنه خذاني
حبً على وضح النقا جاك بشروق
كنه صباح الخير صدفه لقاني
ياشارين قلبي ترا الحب بحقوق
واول حقوقي فيك كل الااماني
حطيت لوحه فيها مسمار مدقوق
القلب واحد ساكنه قلب ثاني
يعني المحبه لوتجيني بلاعوق
بعوق مسراها واعود لمكاني
ذهـــب الشمري