ســور الـجـبــل ..
بواسطة : سالم علي الشمري
بتاريخ : 2013-04-13 17:22:06
بسم الـوّلـي أبــدّي بداية قصيدي
الـواحـد اللي لــه تـصـوم العبادي
مـثـلــج صــدورٍ ثلجها كـ الجليدي
بـ عـصـريــةٍ هـبّـت عـلينـا بـرادي
ياللي تـريـد الـهـرج ياللي تريـدي
إتــرك هزيل الهرج وإخـذ الوكادي
دونـك كلامي وإسمع اللي وكيدي
في لابتي لــو هـو يـثـور الـزنـادي
إلـيـا حَـربـنـا قــوم تـاقــد وقـيـدي
نسعر بـهـا نــارٍ إبـلـيـا رمـادي
وإليا حَربنا قـــوم راحت شـريـدي
واللي ثـبـت تبقى حريمه حدادي
حنا صعدنا فــوق ضـلـعٍ وحَـيـدي
ويـاويـل شـخـصٍ ساعيٍ للعنادي
سور الجبل متصيّده كـل صـيــدي
والـكـل مـنهـم للجزيلات صـادي
مـنـا الهيافا والهيافا تـزيـدي
زبـن الـجـلاوي لا جـلا عن إبـلادي
وإخوان سلمى معتلين الرصـيـدي
نـاسٍ على الشدات قــومٍ شـدادي
ومـنـا هــل الملحاء شريهه تـفـيـدي
شـعـار شـمـر لا بـغيـت الحصادي
ومـنـا تـرى دهمان نـــاسٍ تـبـيـدي
لا ثــارت الهيجاء وصـاح المنادي
ومـنـا غـوانـم لـــو يـثـور الـوريـدي
كــلٍ بـ عـمـره لـلـطـويـلـه يـفــادي
ولا رحت للهثمي بـوّقـت الشديدي
بأرض الجزيره صار شيخٍ قـيـادي
ومن السكارى صار شيخٍ وسيدي
بسبع الجموع اللي لقاهم إسنادي
إبـن سعيّد عــوق هــاك الضديدي
وياللي تبيه بحرب ويـن إنـت غادي
أمـيـر سبع جموع مـا هـو وحيدي
عــون الضعيف اللي حياته نكادي
سـبــعٍ بـهـا فـزعـــه وطيبٍ وجيدي
وكـــلٍ على كسب الطويلات جـادي
والـذيـب يــوم إنــه ضعيفٍ زهيدي
عـشــوه ربـعـي قـاهـريــن المعادي
وجـمـيـع شمـر مـن يجيها سعيدي
شمر مـثـل مـرقـاب والـنـاس وادي
وصلوا عـدد مـا شيدوا كـل شيدي
على النبي المصطفى خـيـر هـادي
الديوان ســور الـجـبــل ..
al-d1.com