مخاواة الرجال القرومي
بواسطة : مرس بن طواله
بتاريخ : 2013-04-10 17:22:17
كان انت ياللاهي من الهم مرتاح
انا تلاطم بالضماير همومي
لو شفتني في بعض الاحيان مزاح
بين الحنايا فوح نار وسمومي
اصبر على ضيم الليالي والاتراح
خوفٍ يقال فلان صار مهزومي
ماهمني من جا ولا اللي بعد راح
ولاني بشفقانٍ لعرف العلومي
عقلي وبالي بالتفاكير سبّاح
اعيش في هذا الزمن بالعزومي
مانيب افكر بالخساير والارباح
ربحي مخاواة الرجال القرومي
الديوان مخاواة الرجال القرومي
al-d1.com