| تعلّيـت بالمطـلاع تلعـه وونّيـت يالين الصدر سيّل همـوم الليالـي |
| كما زفرة النيـران اجـر التناهيـت لطمني وهج من داخل حشاي صالي |
| لحالي بتلعـه مابـه الا العفاريـت تحت ليل مابه نور نجـم وهلالـي |
| سرتبي تفاكير الهجوس وتواريـت عن الكـون كلـه وآتفكّـر بحالـي |
| افكّر بشيٍّ مـودع الحـي كالميـت ليامن طرالي ماطـرا ضـاق بالـي |
| غرس خنجره وقتي بقلبي وياليـت ترك خنجره مـا لحّقـه بالسلالـي |
| ابَدْله عنه وآشاغل الفكر وازريـت جروحي دماهـا جاريـه ماتزالـي |
| تقابس بقلبي نـار قـازٍ وكبريـت عسى الله يعجّل في بروق الخيالـي |
| عزاي الصبر لوهو سوات الدناميت وصبري يكفّي عن جميع الرجالـي |
| اجاهد ولامن طحت قمت وتعزويـت تطيح الحظوظ وماقفي راس مالـي |
| بعامين عن صبر المهـادي تعدّيـت ولدري لو انّـه باقـيٍ لـه توالـي |
| مع احساس قلبي ماتبعت الطواغيت سلومي شماغي والمعـزه عقالـي |
| جليت الظلام بنور عقلي وضوّيـت نفق نفس يسريبه ويضوي خيالـي |
| امد النظر وابعـد ليامـن تداعيـت ولا الد صـوب معقّديـن الحبالـي |
| عن الكايده مهما حصل ما تنحّيـت يضيق الفضا ما ضاق صدر الشمالي |