اقفيت قبل الدمع ليخون الاجفان
......... يا شينها لاقفيت وبالقلب غصه
ضاع الحكي من قبل لا قول ولهان
......... حتى سؤالي ما تذكرت نُصه
كلي تبعثر في ملاقاه فرحان
......... له في ثواني العمر قسمه وحصه
من ربشتي بين غلا القلب له بان
......... لكن جهل لحساس كله يخصه
المسألة فاقت تعابير لوزان
......... في داخل ضلوعي للأشواق قصه
اقفيت اجر من العنا بعض ما كان
......... خايف ما لاقي بعد هاليوم فرصه
يا شينها لاقفيت والقلب شفقان
......... ويا شينها لا قلت للروح ( اصه )
تصبح لنفسك مثل جاني وسجان
......... العمر ضايع والهوى كان لصه