| صاحبي اهواك وعشقي لك جمر يحرق الخافق وانا بناره هناي اسكر بحبك ولا ذقت الخمر ضاعت علومي بهمسك يا رجاي ايه احبك حب يوصل للقمر من غلاته ملتوي باقصى حشاي حبك اللي في عروقي له ممر يلتحف قلبي وهو لقلبي دفاي واعشقك حد النخاع اللي انغمر في هواك ولا استحى منه حياي لي خفوق(ن) فز بعذوقة ثمر اقطف ثماري على ضفة ضماي كاتب(ن) عهدي لك بدم(ن) حمر ما يفرقنا حسود(ن) يا غناي صاحبي لاشفت دمعي ينهمر لا تحسب دمع عيني من غثاي شوقي اللي ساق قلبي لك زمر هو سبب دمعي وهو سبة شقاي استحيت وضاع من عمري عمر وانا حبك لافزه باقصى حناي ودي كل الناس تدري بذا الامر لجل تعذرني على كثرة بكاي |
11 - 5 - 1434 هـ