مستحي من هل الشام

بواسطة : مهنا الماضي
بتاريخ : 2013-03-07 04:47:55

 

 

عـامين  تطلبني قصـيده ولـي عـام

اقـول  لــه مـاني  بناقـص غـرابـيل 

 

اصـبره  واقـول  لضـروفـي  احكـام

انـتي قصـيده  قـاله الـجـدي لسهيل

 

لـوهـي على كـيف الـدفاتر والاقلام

كـان اكـتبه مـن اول ابـريـل لـبريل

 

الجـادل الـي حسنها مثل  الاوهــام

مـا تشبـهه الا الـخزامـا على النيـل

 

ماتدري اني مستحي مـن هل الشام

ولا تـدري ان الشام  فـيني مـواويل

 

فـي ســوريا  اطـفـالنا صـارو ايتـام

وأيتامنا  يــوم  الــولادة  رجـا جـيل

 

يـافـاتنـه  فـيني  حكـايـات  وأحــلام

ماعـاد بـي هـمه ولا عـاد بـي حـيل

 

مأكـل مـا يحـصـل نشـوفه  بالإعلام

بعـض المـأسـي مـاتجـيبه مـراسـيل

 

يا فــاتنه عـامين والـجفـن ما نـام

عـامـين وعـيون  الـمـعنا  درابـيل

 

لو تلمحين  الدمع بأطراف الاكمام

مـا تنشـدين الــي تـخاوا مـع الليل

 

يكـفي وحـنا بـين شـامـت  ونمــام

قومو واعدو ماستطعتو من الخيل

 

مـادام حتى المالكي صار ضرغام

يعني غدت حتى الحصاني حلاحيل

 

وش جـاب بـياع الـخواتـم لــصدام

عــزاه  يا  دارا غـدا  راسـها  ذيـل

 

امــا  نوقـف  مثل  مـا وقـف دهـام

ولا لبـسنا  بـا الـمراجـل ســراويـل