العدل في بعض الدول نوعين
بين الفقارا والغناويه
جوده على المقرود والمسكين
والشهم واصغار الحراميه
مايقترب شيعة حسن وحسين
بالجحر داب وبالسهل حيه
اعمالهم توضع وسط قوسين
معدومه من الدبلماسيه
ما شاخوا الا بالزمان الشين
اللي كثر فيه الحونشيه
وقتن عجزنابه نسد الدين
يضيع به من يصلح النيه
عز الذي يلعب على الحبلين
واصبح به الشيهان حنديه
كثرتبه الفتوى من اهل الدين
واكثر فتاويهم سياسيه
كل السبايب من غراب البين
اللي يرد الحسنه بسيه
الاذن توحي عكس شوف العين
متنا من امراض الحساسيه
واعلاجنا من كثرة التخزين
فاسد ومنتهْي الصلاحيه
وزارة الصحه من التأمين
فسقت وضاع الطب موليه
ضاقت سبايب كثرة التعيين
والجهد فيها خُمس بالميه
من زمرة التفريق والتبطين
كثروا دعاة الازدواجيه
مالك سوى السكين يا أم قرين
حتى تموت الانفصاليه
والشيخ راع السيف ابو حدّين
يرقص على ياعين موليه