علبـة دوا...
ودي اصحى من منامي كالوليد
ماحمل ثقل القدر يومه نوا
ودي اصحى كل مافيني جديد
لاجروح ولاهموم ومحتوى
يا مشاعر يامعاناة القصيد
لي متى وانتم مع روحي سوا
ما أبي ابداع أو معنى فريد
أو ابي ذبح الكدر يومه عوا
الذي ابغاه حرقي بالوقيد
دام قلبي من ورا حظي اكتوا
وش يفيد البوح دونه .. وش يفيد..؟
هو يفيد الميــت نفحات الهوا..!
من صغر سني وطيبي بالوريد
واكسب العالم بحسني للنوا
بس معه.. ما فادني طيبن وكيد
لعن أبو ذنبن يسبّبْه الهوا
دام حالي لا جديد ولا مفيد
جعلني للضنّك والا للـ لوا
او يجيني الموت واصير الفقيد
أو الاقي لعبرتي (( علبـة دوا ))
مهــدي الدالــي...