ندم واعتذار
بواسطة :
بتاريخ : 2013-03-01 19:09:15
ندم واعتذار
حبيبي والشتا يحتاج وهّاج الغضا والحضن
على صمت اللهب تحلا سوالف حضنك الثرثار
وانا المجروح ورضابك علاج وراحتينك قطن
ونظراتك خيال ونظرة الصب الحزين اشعار
عظيم الود قيد / وذكرياتك ياحبيبي سجن
الا وين الهروب ولهفتي لك حاكمٍ جبار..!!؟
ذكرتك لين طاحت من ندم دمعي رموش الجفن
ذكرتك لين ناحت من وجع قلبي زوايا الدار
تفارقنا سنين وشاب جفني ياصغير السن
ولازال البحر يحضن ويخفي الدان والمحّار
ترى اللي فات ميّت لو نفثنا فيه روح الغبن
تعال ولا تكثّر لي عتابك / واقبل الاعذار
يقولون العتب مثل المطر ينفض تراب الغصن
وانا اقول الشجر يمكن يموت بكثرة الامطار
الديوان ندم واعتذار
al-d1.com