. لو كانت الدنيا على كيف كيفي
***********************منحت لك دنيا على كيف كيفك
ماهي بلحية التهى عنك طيفي
************************انا بهمّي ملتهي عنه طيفك
وقت الهجاع وجاني النوم ضيفي
************************واكبر قهر لامن تعداك ضيفك
صار السهر لعيوني اصدق وليفي
***********************جيتك صديق وليتني بس وليفك
عاجز احطك وسط قلبي وريفي
************************قلبي نبضك ومنوته شم ريفك
والوقت يبتر ماهو الند سيفي
************************ تكالبت ما ينفعه سل سيفك
اصبر ولا غير الصبر لي حليفي
***********************عسى الفرج يفلح ويصبح حليفك
هذي لي الاقدار ماهي بكيفي
***********************لو هي بكيفي اصبح الكيف كيفك .