لولا الأمل وش كان هاليوم حاله
لـولا الصـبـر ما طـاق عـمـره ولا يـوم
تـجـي جـنـوب القـلـب وإلاٌ شماله
يـشـيـلـهـا ولا هـو عـلى الـهـم مـلزوم
هـذا هـو مـبـارك طـويـلـة حـبـاله
صـدره ما بـيـن أحـزانـنـا صـار مقسوم
ما هو مـــدٌور من وراهـا جـمـاله
طـبـعـه على نـجــم الـسـمـا دايم الحـوم
الموت قــوس ٍ والمــنــايــا نـبـاله
لنا الصـبـر يا خـال والأمـر مـحــســوم
كل ٍ بـذا الـدنـيـا من الـحـزن نـاله
ولأحدن مـعـه صـك ٍ على العمر وختوم
معـتـز ذكـره عـن سـنـيـنـه كماله
ولـو ينشرى عمره رفـعـنـا بـه الـسـوم
ولو هي على مانشتهي بالسهاله
فــدوتــه حـنـا ولاشـكـا قــلـبـك هـمـوم
أنا أدري إن الفقد صعب احتماله
وخابرك لاضـاقت على الصعب زيزوم
الـمـوت مـوت اللي قليله خصاله
وإلا أنـت ربـيـتـه على الـذكر والصوم