وين ابلقـــــــى واحــــــد مثلك وأحـــــــبه
يشعل أيـــــــــــــامي ويستوطن خيــــالي
...
والــــــــــغلا اللي فات في قلبـــــــي يصبه
لين أحــــــــس انه مثل مـــا غليك غالي
...
وكل عــــــــــــرق كـــــــــنت طبيته يطبه
مــــــــــا يخليني ولو لحظة لحالــــــــــي
...
وان ســـــــــــليت اقبل علــي لين اتنبه
وين ما وجهت إلــــــــــــــى وجه إقبالي
...
وان شكيت الـــــــبرد مثل الجمراشـــــبه
وان شكيت الشمس أحـــــس انه إظلالي
...
واعشقه طيف وســــــــوالف ومحـــــــبه
واشربه مثل الــــــــــغدير المن الزلالــي
...
واحتفي برضاة والــــــــهاجوس أذبــــــه
عقب زعـــــــــــــلاته علي بعض الليالي
...
وان طــــــــــرا عطره على الريح ومهبه
قبل أشــــــم العطر عطرة وسط بالــــــي
...
لـــــــــــــيت ربي خـــــــــالقة حبه وحبه
خـــــــــــــالق مثلة لو اشربه بحلالــــــي
...
بس لــــــــو مثله لــــــــو يقول الحب لبه
ويشعل أيــــــــــــــامي ويستوطن خيالي
...
والله أنــــــــــــي لازم ارجع لـــــه وأحبه
ويتجدد لـــــــــــين يرخص كل غالــــــي
...
العياف اللـــــــــــي لغيرة ويش طـــــــبه
ســــــــــــــــالي غيره ولا ني عنه سالي
...
واحـــــــــد دخيلة ودخيـــــــــل ربــــــــه
قبل اعــــــــــرفة كنت رجـــــــال شمالي