مرثية حافز
بواسطة : سعد الخلاوي
بتاريخ : 2013-01-18 01:27:31
ياموطني يامن بهام الفخر بنت
وابوالكفوف المعطيات الرحومه
حيّرتني وانا بعد ما تيقنت
تبي احبك او احب الحكومه
لو شانت ايّامي اقول انت ماشنت
وجهي بقسوة حاجتي ما أسومه
إن صاح جارك تسعفه لو تدينت
وابنك كسير وما لقى قوت يومه
واذكر بأني بالمدارس تلقنت
ان الابن اولى من ابن العمومه
باقي احبك لو بثوبي تكفنت
فدوة لعينك لوغدى ما ارومه
ياما بحبك صادق الشعر دونت
ليلي اذا اظلم شعارك نجومه
قالولي اصمت ياوطن ما تمكنت
قلب الجريح اليا صرخ من يلومه
عاطل مثل مليون عاطل وكونت
مع منام الليل اصعب خصومه
انا المواطن ما بعمري تلونت
الصبر زاده كان زامت همومه
باقسى شهور البرد شعري تحضنت
اسم دفا يشبه شعور الامومه
كل ما اقرر ابتعدت عنك هونت
يامن سماري ماشكى من سمومه
انا يخير ولي أسره ولي بنت
وعندي جواز اخضر مسدد رسومه
مخلص ولاعمري تهاونت أو خنت
لوكان مغضبني قرار الحكومه
الديوان مرثية حافز
al-d1.com