وش فيني ؟
بواسطة : نبض الحيارى
بتاريخ : 2012-12-29 00:18:02
وش فيني ؟
يهمك جد وش فيني ؟!
انا طيب ما عاد الكون يحويني
شعوري صار متبلد .. ولا همي يبكيني
انا طيب .. اقلب دفتر ايامي واطوي باقي اسنيني
تصدق .. في ضلوعي من بقاياكم حفرت قبور
بقايا كان تربطني بزمن مدثور
تصدق اخنق العبرة وخليها بصدري تجول
تعبت اقرى انكساري في عيوني واكرهه ضعفي
تبي اقول وش فيني ؟
تبي اشكي وتبكيني ؟
تبي ابان لك مكسور ؟
بصراحه ما بقى فيني .. ولا كم حرف يشفيني
تراني بخير
مادام القلب في جنح الليالي طير
طليقٍ ما نأسر في جوف يسكنه القلق والخوف
تراني بخير
من حقرت هـ الدنيا ومن فيها
حكي واوهام ما تثمر معانيها
قلوب صغار ترعب في غداريها
تراني بخير من ربي
ولا تسألني وش فيني ؟
وانا كل التعب فيني !
ولكن الرجاء بالله .. ما غير ارضاه يحيني
الديوان وش فيني ؟
al-d1.com