قلت يالله رجيتك لا يخيب الرجا
تطرد الهم عنّا والغثا ينجلي
قلتها لين قلبي من ظنونه نجا
وارتفع قدْر ناس وناس تحت أرْجلي
والخسيس إن تجنّا في غيابي وهجا
ما عسرني نحيط انسان ما يخجلي
كان ما ساق رجله للمواجه وجا
قلت من جور مابه صوته امْجلجلي
ودام قلبي توجّه صوب ربي ولجا
يا جيوش النوايب جهْجلي جهجلي
ارفع الحمْل لو هو كبْر سلمى وأجا
والحقايق تبيّن عاجل او آجلي
وتشرق الشمس غصب ٍ عن جناب الدجا
فرض من خالقي مكتوب وامْسجّلي