غياب المسرّه
| |
| بـدرٍ سعـدت بطلّتـه مطـلـع الـعـام =من دون نوره حال ضوح المجرّه |
| عن مسمعي غاب وتنحَّا لـه أيـام =وعن خاطري غابت معاه المسرّه |
| ليت الحمام اللي على حيَّهـم حـام =ينقل خبر باللـي جـرى فـي ممـرّه |
| يرتـاح جفـنٍ لاعـه الهـم مـا نــام =الاّ مقـاطـيـفٍ تـســوق الـمـضـرّه |
| كن بينها والنوم لوعات وخصـام =موجـات مـن الافكـار كــرّه وفــرّه |
| وكل ما هقيت الحظ من مثبره قام =على الشقالي سلـك الأوهـام جـرّه |
| للخلـف واركــان التباشـيـر قــدَّام =ظني خطاء عاد الشقي فـي مقـرّه |
| عـزَّاه مـن حــظٍ فـوائـده الأوهــام =جـرَّع خشيـره حــرَّةٍ فــوق حــرَّه |
| وراضين في ما قدّر الله والاحكـام =هـو الـذي نرضـى بخيـره وشــرّه |
| ويا غايبٍ عن مسمعي عـدّة أيـام =عن خاطري غابت معـاك المسـرّه |
| |
حمد محسن النعيمي
(غيبة اثنا عشر عام)
| |
| الغايـب اللـي غـاب وغيـابـه أيــام غيبتـه توقـد داخـل الكـبـد حــرّه؟! |
| وش قولتك في غايبٍ منه منضـام قلـبٍ سكنـه وصــار حـزنـه مـقـرّه |
| بيني وبينه غيبـة إثنـا عشـر عـام فــي وحـدتـه لابـــد قـلـبـي يـمــرّه |
| اجيـه طيـف وجيّتـه لـي بـالاحـلام جيـب الوصـال بعـاد خـلّـي يـطـرّه |
| مشاعـري لـه جايعـات ٍلـه حيـام ومن غاب عنّـي جانبتنـي المسـرّه |
| كنّا على وضح النقى طهر وصيـام عـن الخنـا مـا عتّـب الـحـب جــرّه |
| يا ما حكينا صمت وعيوننـا الهـام ورد الغـلا مــن بينـنـا طــاب ثــرّه |
| رحـل وخـلاّ قلبـي أشـلاء وحـطـام شـريـط ذكـــره كـــل وقـــتٍ افـــرّه |
| وجــدي لحـظـي لا تـركـد ولا قــام وليته كفى خيره بعض روس شرّه |
| واوجد عيني كل ما جيـت أبـا نـام ضاقت بي حـدود الفضـا والمجـرّه |
| ويا زين من غيّب وعود لك شمـام يــا طـيـب حـظــك (جـــاد) لله درّه |
| المـوت غيبـة غالـي مالـهـا خـتـام يلحـق فـؤادك مـن لضاهـا مـضـرّه |
| |