دمع المفارق
بواسطة : محمد السبيعي
بتاريخ : 2012-11-17 04:30:42
جففت دمع المفارق ...... ودمعت عيني
ياقو قلبك ............ حبيبك كيف بكيته
كنت بحياتي اعيشك .. اجمل سنيني
و ارقى شعور المحبه ..... معك حسيته
واجمل حدث في حياتي صار يعييني
احاول انساه .......... لكن ما تناسيته
لو الصدف قالت: ان الوقت ... يمديني
لـ اجيك ......... لو دربي الغامٍ توطيته
الحظ اناديه ..... ورد بصوته: اعفيني
ولولا الضروره ..... ماظني يوم ناديته
العشق جمره ... وجمر العشق يكويني
يبرد .......... وباشواق تال الليل شبيته
يطيب جرحي ! ... وادور عن عناويني
واسوق الاقدام ...... واوقف على بيته
انبش جروحي ! واقول ان البلا فيني
لوني ادور على طبي ......... ما مريته
للحين مدري ! ... وش اللي له موديني
ليته يحس بـ حنيني .......... آه يا ليته
بعض الغلا ان زاد شفته في دواويني
بين القصايد ، وصوتي كل ما اوحيته
قصيد سلمان ....... يطربني ويحييني
مااخذت احاسيسه .... وقلدت مانشيته
لكن بعض التشابه .......... بينه وبيني
اجبر هواجيس شعري ..... تحترم بيته
محمد السبيعي
الديوان دمع المفارق
al-d1.com