قتلت الحسين

بواسطة : مهنا الماضي
بتاريخ : 2012-11-12 05:12:54

 

 

 
تـلـبـد الـغـيـم واحــتــاج الـمـطــر للهطــــول
وابتـل دفتـر غيابـك عقـب جـدب السنـيـن

الـلـيـه الـشـعـر ســـاري والمـسـافـه تـطــول
والعاصـفـه هــودت لـيـن المشـاعـر تـبـيـن

ياهاجـسـي مـــرة الـصـدمـه وراح الـذهــول
بـديــت اتـمـتـم تـفـاصـل الـوجــع للـحـنـيـن

الـبـارحــه كــنـت افــكـاري مــجــرد فـلــول
تـفـرقـت فـــي ضـــلام الـبـارحــه تسـتـعـيـن

ياحـلـم هــود تــرا مــا فــاز منـهـو عـجــول
اتـرك تفاصيـل همـك فــوق ضـلـعً سمـيـن

رمحيـن فـي صـدري المنهـك تهـد الـذلـول
الرمـح الاول بـلادي وانــت رمـحـك مكـيـن

فيـنـي روايــة ثــلاث عـقـود والفـيـن حــول
وفيـنـي الــم يجـمـع الـدنـيـا بـنـبـرة حـزيــن

فـي موطـنـي يـاقـف العـالـم يــدور حـلـول
وانا اشحذ النـاس كلمـة حـق يامحسنيـن

لـو تــدري انــي دفـنـت العاطـفـه والمـيـول
مـن يـوم مـات الـعـراق بحـظـرت الرافـديـن

تاريـخـنـا مـثــل غـصــنً لـونـتـه الـفـصـول
مافـيـه نـصـرا ســوا نـصــرا فـبــدر وحـنـيـن

المـشـهـد الـــي يـمــر الـبــال شـــيً يـهــول
كني ذبحـت الحسيـن وقمـت اردد حسيـن

ودامـك نويـت المـفـارق يالـغـزال الجـفـول
خذني معك نرسم بصحرا الضما ياسمين