حايل ولندن
بواسطة : نافع بن طواله
بتاريخ : 2012-11-12 04:31:46
فز الخفوق اللي له سنين ما فز
……من شفت انا غيوم الحيا فوق حايل
فـــزة عـشـيـقٍ لا لمـح زولـهـا نز
…… يــا رب صــبّـر عيــني اللي تخايل
في وسط لندن صورته دوم ترتز
…… مـــا ردنـي عـنـهـا جـمـال البدايل
كن النهر شعبانها اللي بها عز
…… والـعـب طـرب بالسامري وآتمايل
ماشفت لندن لوقضى يومنا قز
…… قـلـبـي مـع اللي لـه جزيل المثايل
اجا وسلمى يشهق القلب ويفز
…… لـديار شـــمّـر طيبين الفعايل
فعــل الطنايا والزمن به تطرز
…… تـــاريخٍ ابـٓيض والكـتب بــه دلايل
الاجنبي بصدورهم صار معتز
…… يــفـخـر بـهـم لا عــددوا لـــه قبايل
وش عاد لاصاروا هلي واترزز
…… بـين الــرجـال الــطيــبــين الاصايل
قبلي تفاخر اشرف الخلق واعتز
…… صــلوا عـــليه وماعلى الكون زايل
الديوان حايل ولندن
al-d1.com