| تمشي بي الدنيا ولا ادري على وين وامشي معاه ولا وصلـت النهايـه |
| مشيت اشوف الناس ياحمود ماشين تبعتهم مالـي مـع الركـب غايـه |
| ان سيـرو ركبانهـم يـم حطيـن امشي معاهم وادري الركـب تايـه |
| حطينهم ماهي على صالـح الديـن وصلاحهم حتى على الديـن سايـه |
| بحلوقنا شوكـه وبالصـدر سكيـن نرفع لهم من ظيـم الايـام رايـه |
| ندفع لهم ديه عـن افكـار لينيـن وعن محرقت هتلر دفعنـا جبايـه |
| من ضعفنا ندفع عن الغير ضعفيـن جانين لـو مافيـه اصـلا جنايـه |
| حتى الشعوب الي بنت سور برليـن تدرك نهاية سورهـا مـن البدايـه |
| ياجارة الوادي على ويـش تبكيـن اشجاك راعي الناي ملعـون نايـه |
| يعزف على اوجاعنا فـي فلسطيـن قلـه يغيـر صـوت نايـه كفايـه |
| ياجارة الـوادي طـرب لا تغنيـن ارمي النقـاب ولولحـي بالعبايـه |
| لا تبلشيني وين هم ليـه ؟ داريـن نمشي وكـلا يتبـع اليـوم رايـه |
| نمشي وكـن دروبنـا مستقيميـن جيـران نبقـا ليـن مـالا نهايـه |
| ان سيرو ركبانهـم ويـن داويـن وان نوخوهن غصب ماهي هوايـه |
| واذا مـن الاخـر تبينـه مجانيـن يالله طلبتـك للمجـنـن هـدايـه |