لا جديد .. غير وحده وهم وحساسٍ بليد
لا جديد .. غير جرح وحزن في قلبي يزيد
لا جديد لا جديد لا جديد
الاماني كنها متحنطات
لا تحقق لا يبعثرها الشتات
والقلوب ما بقت نفس القلوب
كل شيٍ حلو في عيني يذوب
اتركوني بين عشرات الدروب
لا خطيت ولا تهيأ لي هروب
والغروب .. أه من لحظه غروب
لا دنت ظلمت ليالينا وغطانا السواد
كل حلمٍ عاش فينا وهمنا في ازدياد
نحضن الفرحه يتيمه ونبتدي اليوم بجهاد
بين امال وأماني بين حلم وعمر فاني
بين صرخات الجروح واقعٍ منه نعاني
نرشف القهوه مريره نقلب الفكر ونديره
ومن بعد صمتٍ نقول يا عسى بالامر خيره