روحي ضمتك
بواسطة : شواهق نجد
بتاريخ : 2012-10-06 15:57:39
لو السعادة ياضيا الروح تنباع
ما تعب شخصٍ ناقصته السعاده
ولو انها بالمال والجاه والباع
ماكان عانى كل صاحب سياده
ولاكان شفت الحزن بعيون فزاع
وماجر خالد لوعة في فواده
ياما نهيت القلب من درب الاوجاع
عيا يطيع وصار حزنه ضماده
اطوع العسرات والقاف ينصاع
وماأنصاع قلبي صايبته البلاده
اجمع بكفي كل خيط من اشعاع
ومعانق طيوف السهر صار عاده
يللي قطفت بيدّك زهور الابداع
مالومهم لو سطرو لك اشاده
مشاعري لك يا غلا روحي جياع
وروحي ضمتك ومالقت بك اراده
:)
الديوان روحي ضمتك
al-d1.com