الله البادي .. ولا غيرة نجيبه ...!
أبتدي بأسمه .. و بسم الله ... بادي
,
مِنْبَري هذا ...... و أنا منّه خطيبه ...
أسمعوا ....... حتّى تفاصيل ارتعادي
---------
من خِلِقت .... و حالتي حالة غريبة
أنقسم نصفي ... على نصفي تمادي
طفل .. غنّا ..... يوم غنّا عندليبه
صيحتي داخل بلد ... ماهو بلادي
طفل يكتب بأصبعه ( وين الحبيبة ) .؟
بانت أحزاني ...... ولا بانت سُعادي
ذاق طعم المرّ .... حتّى في حليبه
ماعرف وجه الصديق من الأعادي
يكبر أكثر .. تكبر بعينه مصيبه ..
ليه يكبر ؟ وين رايح ؟ وين غادي ؟
الحياة اللي بها جداً ...... كئيبه
ماقدرت أنّي ألاقيبه ........ مُرادي
لوني الأبيض عكس للشمس طيبه
و السهر .. يعكس لي اللون الرمادي
و كل ما أنهي حزني أرجع أبتديبه
الحزن ( نسّم عليّ من كل .. وادي )
و كل مانامت عيوني .. يا الغريبه
أذكر أنّك فيني .. أنهيتي .. سُهادي
داخلي ذيبٍ .. و أنا صوتي قنيبه
داخلي .. من يوم ماكنت فـ مهادي
و الصدوق اللي نجا و الكذب خيبه
من ثلاث سنين شاعر .. موب عادي
و الحكاية .. تكبر أكثر .. و المصيبه ..!!!
ماقدرت أكتب قصيدة في بلادي ..!