ياراعي الحق جنّب راعي الباطل
بواسطة : نافع بن طواله
بتاريخ : 2012-09-27 00:54:26
قالها اخي تركي مزعل زبن بن طواله
تفضل العلم يانافع من الداخل
والعلم فيه المعاني نارها حيه
عقليّتك ناضجه ، يااستاذي الفاضل
ورقيْ ذاتك ، حقيقه واضحه ليه
خاطبت غيرك ع هيئة خبر عاجل
خطاب ظاهر من لساني بعفوية
لكن ماني معك بالذات ! متساهل
كلٍ حسب نظرته نعطيه أهميه
والعقل ميزان ، فيه آخاطب العاقل
لجل بقاء المعاني فيه مطويه
وشرواك كامل ،، ولا غير الله الكامل
واقع ،، وانا واقعي مليون بالميه
واللي ذكرته( صحيح )ولاني مْْــجادل
ووالله فلا جيت صوب المدحْ ، موليه
تدري ، أنا هالسنه وش شْـغلي الشاغل؟!
سؤال ادوّر جوابه لعنبو حيه !
معقول ! مافيه شخصْ يْــجاوب السائل؟!
رغم انتشاره وتكراره علانيه !
أقول ياناااس : ويش اللي مهو حاصل ؟!
دام الزمن ماذخر عنّـا بلاويه
احيان ظنّـي يقول المجتمع غافل
واحيان ادور عذر وآطوف السيه
ثغرات في محتوى دستورنا الشامل
حيث القوانين والأحكام ( وضعيه )
ولافيه منهج ولا قانون متكامل !
يحفظ حقوق الجميع بْـكل شرعية
لكن مايوجد ألاّ الشرع يازامل ؟!
والشرع ماله مع اهل الحكم شعبيه !!!
يانافع اليا شرحت الدرس للجاهل !
وبذلت مجهود واوقات ٍ إضافيه
باقي ع حالته ! جاهل لو تحاول
جاهل ويحمل صفاتٍ غير عاديه
( ياراعي الحق ! جنّب راعي الباطل )
خله على باطله ياصافي النيه
الديوان ياراعي الحق جنّب راعي الباطل
al-d1.com