| على زفرة التنهيت والشوق والطـاروق طرقت المعاني قبـل لايطرقـه جوفـك |
| تلحفت عين اللِّيل بين السهر والشـوق مَعَ نزعِة الخفاق من حالـت ظْروفـك |
| تغنيت بك بسمهْ وضحكه ودمعة مـوق وتجرعت من كآس الوهن قبل مظروفك |
| أقلِّبْ سنين الفقـد ياجرحـي المفتـوق واناظر بقايا الامس مع رعشة كْفوفـك |
| طلبتك تجي وترد صوت الغلا المريـوق على صفحتي من عام لوماحصل شوفك |
| أوإِنك تعال وتل روحي مـن المعلـوق وكمل مع الهجران والصـد معروفـك |
| إذا البعد به راحه عسى مايجي له عـوق توكل على الله بس لاتكثـر حلوفـك |
| توكل وخل الصدر في ضيقتـه محـروق ويتم خفوق مات مع خمسـة حْروفـك |
| فلا عاد به لكن وباب العتـب مغلـوق ذبل منك خفاقٍ ترنَّم علـى وصوفـك |
| عسى دمعةٍ سالت من الضيق يوم آسوق تراتيل حبك وارسم الحلـم بطيوفـك |
| تعدا العيون اللي خذتني قبـل لا فـوق واعاتب صروف الوقت والبعد وصروفك |