(( أنتي وأنا ... بالقافله ))
بواسطة : سلطان عتيق بن طواله
بتاريخ : 2012-09-18 17:46:51
من أي بيبانك
أفوت
وتبتسم
اجيك من باب الحنين
القاك جاحد ماعذر
بالغل نارك تضطرم
والمشكله
اترددين هذا انا
وانتي سبايب هالعنا
اما انا
ساري مع احزاني ليال
اعيد شرطان الخصام
احلف آثات الغرف
منهو تمادى بالقرف
واسمع جوابه من سنه
نفس الجواب
وحضرتك
دايم غياب
ولاسألتي عن وحيد
قرا تفاصيلك هنا
والدمع من عينه دنا
رحمه لأن الخوف ماهو ورثنا
والفرق هذابيننا
ويا دجة الخفاق كافي هالعتب
ودام اشرس اللوم النظر
لله در
من رد رمح العين بر
ياطاهره بعض البشر
بالعين يترك بي اثر
وبعض البشر
لا حز قلبي خنجره
من خسته
اضحك واقول بدم بارد
زيدني
طاب السمر
واتأنق الليل وتهندم
والقمر
غار ان لمح شريك له في سهرته
انسان لا يهوي الحذر
عضاض قلبه ينعشه
ينهش ضلوعه ينتشي
وانتي وانا بالقافله
وعين العواذل يمنا
وصعبه علي اللي مالحك
العين عنْك ايصدّها
يشفق على ملامحك
عن العيون ايردها
وان غبت صاح
صوت الجراح بساحتي
وقال الوسم
بدري ترى فصل الربيع
الوقت رافض يبتسم
ولازلت انا راسي
جالس ومتواسي
ومن جود رب ٍ معتليك
ماهمني هذي وذيك
لليوم جالس احتريك
الديوان (( أنتي وأنا ... بالقافله ))
al-d1.com