البارحه قبل اذان الفجر بعد الآخيـر
فزيت من مرقـدي واقـول ياحسرتـي
أخذة ساعه وانا جالس سوات الكسير
أسترجع الذاكرة واكتب حسـب خبرتـي
صحاني الحلم ياربي عسى يكون خير
طيفٍ جمعني مع أغلا من حفض عشرتي
جاني يقول الدموع بوسط جفني تحير
وانا بداخـل عيونـي تنكسـر عبرتـي
وسلم عليه بكفٍ مثل لمس الحريـر
ونزل براسه تقل خجلان مـن نظرتـي
قلت الرفع الراس وانظرياشذى ياعبير
وامسح دموعك دخيل الله فـي غترتـي
لآيجرح الدمع خدك وانت توك صغير
وتقول دمع الوداع أثـر علـى بشرتـي
دخيل سود العيون وخدك المستديـر
ودخيل جمرة أشفاك أن طولـة فترتـي
لآينكسر خاطرك وانا بحبـك أسيـر
كانك وحيد أسرتك فأنا وحيـد أسرتـي
يامن غرامك تمكن بي بوسط الضمير
وسيطر على خافقي لين أفتقـد قدرتـي
غلاك يابعد روحي غير والناس غير
هذة اعترافـي وذا رايـي وذي فكرتـي
أقولها قدم خلـق الله وعبـر ألآثيـر
غلاك اللي والله أنه هوسبـب شهرتـي