احسناتي ..!

بواسطة : بندر المطيري
بتاريخ : 2012-09-14 01:44:03

 

مانكسّت .. من كثرة الطيب الأرقاب !!

ولا دوّرو .. من خلفها المدح ياتي !!

 

الفقر ماخلا الرجل يوم .. ينعاب !!

جوده من الموجود .. لو هو فتاتي !!

 

تسابقت لى خارج الحلم الأسراب !!

وأزريت أحدد غايتي في حياتي !!

 

ماهي حسوفه لـ أنكشف وجه الأصحاب !!

بـس الحسوفه .. ضمهم لـ أمنياتي !!

 

يامن كشفت بوجه الأحسان الأنياب !!

مانت اخر اللي بالزمن منه أحاتي !!

 

يبقا الكلام أدراج والصدر دولاب !!

وأصعب كلام أقول من خلف ذاتي !!

 

متشفق'ن لـ الصمت وبداخلي عتاب !!

وادري وش اللي حدني في سكاتي !!

 

لكن على الله يثبت البيت الأطناب !!

مادام هبّت .. من جيمع الجهاتي !!

 

حكييّ يجي فـ الوجه ماهو ليا غاب !!

أفضل من اللي يجمع بـ سيئاتي !!

 

وأن كنت في بعض البشر يوم بغتاب !!

أمي هي اللي تستحق .. أحسناتي !!