مواري حنين
بواسطة : عساف التومي
بتاريخ : 2012-09-12 10:12:01
هذي مواري الحنين.. وذي هبايبها
حفظتها.. كثر ما لاجت بي وجالت
مبطي وانا والبحر هذا.. حبايبها
من زل موعد لقاك العام.. مازالت
اذكرك.. والاشرعه ترخى مناكبها
لانالت الريح من فرقاه.. مانالت
ياكنها.. يوم تكسي راس مركبها
بياض شيب السنين السود.. لاضالت
واذكرك.. والباخره تبحر براكبها
ومناكب الموج من دون الثرى.. حالت
وعين الانارات.. تتناعس هدايبها
من غورقت بالضيا.. وارواحنا سالت
واذكرك.. بأمواج تومي في عصايبها
تلويحة اللي سمعت ايديه..وش قالت
له بالنوارس.. ليا رفت جناييها
تلويح بسامةٍ .. دمعاتها آلت
واذكرك.. والشمس تتورد بمغربها
خجلا تفاصيل.. لأحضان البحر مالت
مالت.. وفل الهوى حالِك ذوايبها
ليلٍ ستر ساعة العشاق.. لاطالت
اذكرك واذكرك والذكرى.. ركايبها
طمطامةٍ ..بالمحاني حبلها فالت
لاطمطمت ..في شغايا صدر صاحبها
دكت خشاش الضلوع الجدب.. ماعالت
الديوان مواري حنين
al-d1.com