مساجله مع د. خالد بن عايش العتيبي
بواسطة : ممدوح سماح العفري
بتاريخ : 2012-06-08 12:56:51
هذه الأبيات مساجلة بيني و بين الدكتور الشاعر خالد عايش العتيبي - رئيس قسم اللغة العربية في جامعة الملك سعود.
أقول فيها :
سلام ياللي طيبتك ما لها حد
……ياللي على كسب المواجيب ضاري
يا مدهل الضيفان يا طيب الجد
……الليث ابوعايش بعيد المساري
ابنتخي بك يا رجا كل محتد
……وابزبنك وانته عن الحال داري
جيتك نصيتك وانتظر منكم الرد
……ياللي بفزعاتك و طيبك نماري
و هذا رد الدكتور خالد على الأبيات :
يامرحبا ترحيبة" مالها عد
……للطيب تجذب نارها كل ساري
يامستقر الطيب ياصادق الود
……ياللي بوجهك للمراجل مواري
نفداك يا ممدوح بالروح و المد
……ما دام فينا عرق بالدم جاري
ليا طرى لك طاري" لا تردد
……اعزم وحنا لك على كل طاري
لعل بيت" ما يذريك ينهد
……ساسة ليا هبت هبوب الذواري
د_ خالد بن عايش العتيبي
الديوان مساجله مع د. خالد بن عايش العتيبي
al-d1.com