الواقع
بواسطة : محمد بن طوالة
بتاريخ : 2012-09-04 12:15:54
بشرح لك الواقع انا بين قوسين
صوره حقيقيه وماهي مرايا
اسمي محمد واعتزي بالعزيزين
شيخ ولدشيخ وربعي طنايا
حنا الطواله مطلقين المساجين
اخوان صلفه مانهاب المنايا
عمري انا يابنت تسعه وعشرين
صادق ومالي في ردي السوايا
وان كانها يابنت بالزين والشين
مايعيب الرجال شكل وحلايا
واثق انا ماهمني وش تسوين
الذيب ذيب والمطايا مطايا
ماني من اللي يطردون المقفين
حتى لو ابقى العمر محد معايا
شموخ شيخ مايخاوي ذليلين
خلا علاة القوم تصبح رعايا
هذي صفاتي كان ودك تعرفين
احب لكن في حدود الزوايا
الديوان الواقع
al-d1.com