الغرور
بواسطة : محمد بن طوالة
بتاريخ : 2012-09-04 12:14:22
إذاغروري عاجبك أهلا وسهلين
الله خلقني ما أهاب المنايا
ابوي رباني على العز والدين
وأصلي فروضي وازور أقربايا
وامد يدي للفقارى المساكين
حتى لو اني مابجيبي عشايا
حنا نسل حاتم على العهد ماشين
أهل الكرم والجود عون السبايا
شمر على الدنيا شيوخ وسلاطين
قول وفعل ماهو كلام وحكايا
يشهد لنا التاريخ وأرض الميادين
ندعس على روس العدو والحيايا
ومن بأسنا تسلم يهود الشياطين
وتتوب من فعل الردى والخطايا
واثق انا ماهمني وش تسوين
الذيب ذيب والمطايا مطايا
ماني من اللي يطردون المقفين
حتى لو ابقى العمر محد معايا
شموخ شيخ مايخاوي ذليلين
خلا علاة القوم تصبح رعايا
هذي صفاتي كان ودك تعرفين
بصورة حقيقية وماهي مرايا
الديوان الغرور
al-d1.com