حبيبي لا بغيت احس اني عايشٍ في خير
........ لمست اجمل مشاعر حبك الي تسكن بجوفي
لقيتك داخلي بسمه لقيت الحزن فيني غير
........ وانا مجنونك الي ذايبٍ كلي مع طيوفي
حبيبي والفرح الوان وحروف السعادة طير
........ يرفرف في مساراتي ولا يتجاوزه شوفي
اشوف الكون بوجودك دخل في عالم التطوير
........ شوارع بيتنا حتى كساها من الزهر موفي
أنا يا نسمة ترسم صباحي تنتشر وتثير
........ انا يا بهجةٍ تنثر همومي تبدده خوفي
أنا يا حلمي الوافي لو اجتاح الزمن تقصير
........ على المبدأ على المنهج احارب لجلك ظروفي
نذرت العمر لعيونك يطول العمر ولا قصير
........ اخذت الي كفاني يا عسى دنياك لك توفي
أحبك .. لا تقول شلون .. أحبك ما تبي تفسير
........ أحبك كلمتٍ تسما عن الزلة من كسوفي
أحبك خلها بيني وبيني تنتشي وتحير
........ أحبك خلها احساس ضامي يسكن حروفي
ما دام أن الهوى غلطه ولا يقبل لها تكفير
........ ولو كان النوايا بيض ولا لامستها كفوفي
جياعا ينهشون المحصنات ومالهم تبرير
........ ولك الله ما يساووا رتبتٍ في كم نفنوفي
انا رغم القسي والجور في درب الرداء ما سير
........ ولو لقدار طاعتني لرقصهم على دفوفي
بشر حتى ولو نخطي ولو كان الذنوب اكثير
........ لنا ربٍ غفور وما حمل وزري سوى كتوفي
ولكن عالمٍ باهت من عقولٍ تبي تنوير
........ على حب الاذا جبلت عسى ربي بها يروفي