شفـت بـرقٍ قـد تـلالا مـن عـيـونٍ ماتـمـون
وقلت ياسبحان مـن صـوّر عيـونٍ نرجسيـه
وتاه فكري في عربها وقلت ليته لو تصـون
مثلـهـا لازم تـراجـع طبعـهـا وهــي ابـدويـه
وإنصدمت الصدمه اللي توصلن حد الجنون
كيف هذا طبعهـا وهـي تالـي إسمـه شمريـه
إسمعـي يابـنـت مـنّّـي كلمتـيـنٍ بــه طـعـون
واقبلـي منّـي طعونـي مطمعـي تبقيـن خيّـه
إسمعـي يامـن دعـت لـه امهـا بقلـبٍ حنـون
واسمعي يابنت عودٍ قد تعب وإنتي في فيّـه
اسمعي ياللـي بإسمـك ينتخـي إخـو مغبـون
لا تحسبيـن الحضـاره فـي زمنّـا جلـد حـيّـه
عمـر ماكانـت بداوتنـا ياخيّـه هـي سـجـون
وعمر ماكانت حضارة مجتمع كثـر الخطيّـه
بنتنـا يابنـت دانـه وحفظهـا واجــب يـكـون
وإنتي دانـه فـي بحرنـا قدرهـا فـوق الثريّـه
يكفـي إنـك شمريـه والعـمـر لأجـلـك يـهـون
بس تعزوي بالطنايا .. شوفي شرّاي المنيّه
لو هي دمعه من دموعك تنتثر بـرّا الجفـون
ناخـذ لدمعتـك روسٍ والـعـزا لدمعـتـك مـيّـه