بـدتْ ذكـرياتـك بـالطـفولـه على وسـاده
على صوت عزف الخير و كفوف مرفوعه
طرى ما طرى لك و إختصرتي على العاده
و بانت ورى توصيفك الروعه / الـلّـوعه
ذكرتـي و سـرتـي بـالأحـاسيس منقاده
أصـول الشعور تـبـان لا بـانـت فروعه
ماهيب بـسوالـف فـارغ بـيـوم مـيـلاده
ولاهـو حدث و يشدّ هـالـناس موضوعه
تفاصيل كانـت بهجة القلب و إسـعـاده
بسيطه ، عميقه تـدحر الخوف و الروعه
بسيطه مثل مـا تـنظم الـهـرج قـصّـاده
عميقه مثل ما تنزف الشّعر موجوعه
سرحت بـمعاني مـا كتبتي ولـي عـاده
عسى دعـوتي بـالخير ماهيب مقطوعه
عسى الله يرحم من فـقـدتي من عباده
و عسى الله يحفظ من ختم فيك مشروعه
وعسى البارق اللي لاح و إدْويّ رعّاده
بشايـر سـعـاده لـلـخـلايـق و مـتـبوعه
عبدالعزيزالرشيد