العيد ماهو بالثياب الجدادي
ولاهو بحنا ينقشونه على الكف
ولاهو مباخر عودٍ ارزق وكادي
ولا الورود اللي يصفونها صف
العيد شوفة من يحبه فوادي
عقب الغياب اللي عليه الزمن عف
جرى القلم بفراقنا والبعادي
ايلين نهر الوصل من بيننا جف
في ناظري مااشوفه إنسان عادي
ولا له بغيري بين كل البنيَّ شف
عليه عيني ماتعرف الرقادي
وعليَّ عينه دمعها مابعد كف
ويظل قلبه في غلاي امتمادي
واظل احبه لين هالنبض يوقف
مار البليه لون حظي رمادي
وأظن حظه بعد ماهوب منصف
يالله بصبرٍ مثل صبر المهادي
ما ينفذ من القلب مهما الزمن لف
وترد لي شوقي وغاية مرادي
ياللي على يعقوب رديت يوسف
سلمى