حالتي ما هيب حاله من صدوف الحياه
مات حظي في صِدام الهقاوي بالظنون
انكسر قلبي وهمي على الله مشتكاه
للفرح ما عاد في خاطري طعمٍ ولون
ما شكيت الحال والسد ما بيح خفاه
خوفي تزيد المواجع وفيني يشمتون
ما يحس بحرة الجمر غير اللي وطاه
أو صديقٍ يحسب حساب همك والطعون
من غلاتك عنده ومن مواقيفك معاه
ذاك ما غيره يحس بوجعك اليوم كون
واحدٍ مثل الذي صار لك بالضبط جاه
مايبي له سرد شكوى ولاهم يحزنون
من عيونك لا نظر يعرف البير وغطاه
بس ماله قوه وحيل واقدارك تمون
#سلمى