اسلوبي اللي لاهو لين ولا جارح
وازريت لا اغيره واعجزك تصنيفه
يفوح صدري هموم وخاطري سارح
في طيف الأفكار والشعر ومحاريفه
وظروفي اليوم غير عْن أمس والبارح
ماظني القى مع الأيام تصريفه
أصبح عدوّي بضيقة خاطري فارح
وأشهر على راحتي صلف الزمن سيفه
بيني وما بين حظي حرب ومطارح
نوبٍ على كيفي ونوبٍ على كيفه
في رابط الحلم قلت لواقعي صارح
ثم قال انا الواضح اللي صعب تزييفه
مير اعرضي بالشعور السارح المارح
ف الذاكره لا اشهب الوقت وعواصيفه
دايم السواليف صارت جد ومصارح
مالك من الحلم يا سلمى سوا طيفه
الشاعره سلمى