ليل المعنّى
بواسطة : فآرقة
بتاريخ : 2019-02-21 07:50:21
،
تعال انثر احساسك وليل المعنّى طال ..
ياقافي ولاغيرك ليا ضقت ناديته !
لبستك مثل ماتلبس الفاتنه سلسال!
ولاتلبسه ياكود في يوم توقيته !
ابي منك ياشعري حروف ٍ لها زلزال
ليا سمعها من نقصده جات تاليته
حبيبٍ تركني مايعرف الهوى قتال؟
ولاحس في قلبي والاشواق كاويته ؟
الا حسبه الله كيف جاز الغرام اهمال
وياكيف يهدم حلم بيدّي بانيته !
رعى الله قلبٍ شال حملٍ يهد جبال
وعفى الله عن شخص ٍ رحل تاركٍ بيته
ياشعري تعال انثرك ليل المعنّى طال
وانا مادعيت الشعر في غير توقيته!
الديوان ليل المعنّى
al-d1.com