وش غيّرك !

بواسطة : نافع بن طواله
بتاريخ : 2018-07-07 20:45:14

 

انا هنا صبري نفد وانت ما جيت

اقلّها لايام ذكرى حبيبك

 

انا هنا كنت انتظر لكن ازريت

حسبت فيك من الوفا اللي يجيبك

 

اتعبت بي صدر العشم كيف مـ اوفيت

وقطعت بي حبل الامل .. وين طيبك

 

وش غيرك !! وين العهد يوم قفيت

وش غيرك !! ماكن قلبي نصيبك

 

وش غيرك !! ما تسمعن يوم ناديت

وش غيرك !! ماكان صوتي طبيبك

 

وش غيرك !! محنا على ما تمنيت

وش غيرك !! عمر الوفا ما يعيبك

انا هنا ابغى انتظر كل ماجيت

يمكن سهام الشوق مثلي تصيبك

 

نافع بن طواله