كسيرة جناحين

بواسطة : شواهق نجد
بتاريخ : 2012-06-08 01:01:58

ياليت شعري يوم شعري تفلت  %% يبري جروحٍ غايره بين ظلعين
وليت الدموع اللي من العين هلت %% ما ذّرفت تو العرب يومها الشين
وليت الرماح بوسط روحي تجلت %% ولاسمعنا طاري البعد والبين
أيامي اللي من شقا الروح ملت %% وراحت مع أول ربعي اللي مقفين
وش علمها دم الحرام أستحلت %% وصارت على درب الخطر قاب قوسين
ياويلها في حالك الليل ولت %% وراحت وخلتني كسيرة جناحين
ياليتها من كايد الحمل شلت %% ماكان سر الحال جمع المعادين
وياليتها من صافي الشرب علت %% ما كان ذقنا من لظاها بكاسين
وياليتها يوم(إ)نشف الريق بلت %% ماكان صفّقنا من الغبن كفين
والجمره اللي خافقي فيه حلت %% يذكي شرارتها الروابع والادنين
لي وقفة فوق السحايب تعلت %% من بادي الدنيا على الدين باقين
ولا الشدايد رحبت بي وهلت %% وحنا على صلفات الايام قاوين