جديد
بواسطة : سيف الكثيري
بتاريخ : 2017-11-21 17:41:11
جمال الخلق للإنسان أفضل من جمال الشوف
وأحلا شي له يبقى مديم بطيبة اخلاقه
ترى الانسان دون اخلاق مابه تنوصف لوصوف
يظل بعيد عن ربعه ولا مخلوق يشتاقه
تجارب وقتنا صعبه وكل شي بالعرب مكشوف
ومن يعرف مسار العمر يحسب ساعة أفراقه
يطيب المنطق الأدبي بعطر الصدق والمعروف
ومن كلمه رضاء وحده تزيل هموم حراقه
بعينك تدرس الفكره من إلهامه الي لخفوف
ومابين الخطاء والصح ميّز زاهي أوراقه
وأيذا ناخت ركابك وسط عداً بالأدب معروف
فلا تبخل على من جاك يبغى يورد نياقه
ترى اكبر غلط فينا ايذا تخطي تقول ظروف
ونجهل ان كل منا على من جابه ارزاقه
صحيح ان الزمن متعب ولكن من يعيش يشوف
مراحل يوم تحزنا ويوم إيبيّن إشراقه
بها الدنيا نعيش العمر مابين الفرح والخوف
غرز فينا الأمل ربي ومنه ناخذ الطاقه
مثلما كفوف تعطينا ف حن نعطي كثير اكفوف
نموت ولا تزال النفس طلابه ومحتاجه
الديوان جديد
al-d1.com