أحبك ليه ؟ لاتسأل أنا مثلك بعد مدري
ولكن أدري إني بك وصلت لمرحلة مجنون
كأن الحب له موجه وعندك بثّها الحصري
ولو تطلب نظر عيني قسم بالله أقول تمون
لأني للأسف عايش علي النيه ومن صغري
أقول اللي يحب صعْب ومحال ومستحيل يخون
مشيت دروب ما ملّت خطاي وملّ من حدري
طريق أمشيه لعيونك واكابر والحشا مطعون
واشوفك بالغلا تكبر وانا اللي طاح به قدري
وعلى كثْر الذي مدّت يديني صرت أنا المديون